Isinulat ni: Mary Hazel C. San Juan
Paksa: Wikang Filipino (Kaisa sa Buwan ng Wika)
Tanging Wika
Ating simulan ang tulang ito
na para sa mga taong lilo
Ipagpapalit ang anumang may halaga
Ultimo ang ating pambansang wika
Sinilang sa perlas ng silanganan
Pagka-pilipino’y sa puso nananalaytay
Wikang Filipino ang kanyang kinalikha’y
Subalit mukhang ito’y kinalimutan
Bansa’y sinagip mula sa mga dayuhan
Di mabilang ang mga nagbuwis ng buhay
Upang magapi ang mga nanahan
Na kumitil ng maraming buhay
Tila nakapiit sa sariling bayan
Ang mga Pilipinong walang malay
Mga naglakas loob ay nangamatay
Para makamtan ang kalayaan
H’wag limutin ang mga bayaning
Kadakilaa’y di matatawaran
Ating suklian ang mga pasaning
Pagsubok nilang tinawiran
O aking mga kababayan
Dito ‘man o saan ‘man
Palawakin ang kaalaman
Ukol sa sarili nating bayan
Iwaksi ang kolonyal na mentalidad
At tangkilikin ang sariling atin
Wika nati’y patuloy na sambitin
Pagyamanin at bigyang dignidad
“Ang hindi marunong magmahal sa sariling wika,
ay higit pa sa hayop at malansang isda.”
-Gat Jose Rizal